Lucius Cornelius Scipione, era ghjinirali è omu di Statu rumanu. Era di a granda famiglia di i Scipio, branca di a ghjenti Cornelia.

U babbu era Cònsulu (Lucius Cornelius Scipione Barbatus) è u diventa ancu eddu ind’u 259 nanzu à Cristu. Hè eddu chì, appena numinatu, cunquista a Corsica è a Sardegna, mandatu da u Sinatu rumanu cù una flotta tamantona. L’invasu di a Corsica era statu dicisu cinqui anni nanzu, mentri a prima guerra punica.

Dopu d’essa statu fattu Cònsulu, piglia Alalia di notti (tandu abitata da Cartaghjinesi, Grechi è Etruschi à buleghju) è ni faci l’Aleria rumana. L’annu dopu, hè fattu Cinsori.

Sottu à u regnu di Thrasamund, rè di i Vandali da u 496 à u 523, una mansa di veschi africani sò stati cundannati à taglià u legnu in Corsica è in Sardegna. Si pensa chì sò st’isiliati ad avè cristianizatu di più a Corsica. L’ipotesi pari cunfirmata chì i santi chì dedini u so nomi à i cappeddi i più anziani di l’isula funi santi africani : Divota, Ghjulia, Libarata / Riparata, Parteu, Appianu, Fiurenzu, Lusoriu …

I Vandali erani Ariani è s’uppuniani à u Papa è à l’altri Cristiani.