Segondu ï detti di i nostri antichi dopu avè pruclamatu u so fatu à e gran nazione di e cinque parte di u mondu, Ghjesucristu si vultò versu Roma è di punta à Roma vipe un pichjulellu di terra, un veculu di fiori, ripostu à mezu mare ! Alzô a manu, fece un segnu di croce è disse surridente :
— Corsica! Corsica! Nè carca nè scossula !
... Ciò chi significa : nè povera nè ricca, averai di tuttu un pocu, ghjente è robba, sfurtuna è gloria.
Era a mane di l'Ascenzione... Statu un momentu, una scossa legera intrunò u terrenu da Bonjfaziu à Capicorsu ! A cima celeste di a furesta cimeana s'inchjinò, di colpu, cum'è per fa una riverenza profonda, l'acelli si messenu tutti à cantà annantu i so nidi; l'altagna di u Monte Ritondu spianò u so volu versu u sole cù l'ochju accesu è fissu !
