Quand’ì a signora Saveria si varcò da u caliscinu, truvede à Scamaroni in la stessa pusizione cà, in tempi antichi, u suldatu di u generale rumanu Marcellus truvede à Archimede davanti à un prublemu cumplicatu.
Antone guardava a cascia di e ghjalline. Eranu tutte morte…
— Cumu ai fattu, O Antò ? dumandò a signora Saveria cù una voce arrabbiata.
— Ciò ch’e mi dumandu eiu, hè cum’elle anu fattu elle…isse ghjalline, u facianu l’ovu ?
— Tredici, u facianu, è duie nò.
— L’anu fattu avanti di parte ?
— Innò, u duvianu fà quì.
— Allora, aghju capitu : l’ovu l’hè ricullatu in gola è l’hà stufate.
— È l’altre duie chì ùn ne facianu ? mughjò a vechja.
— Chì vuliate ch’elle fissinu davanti à tamanta maiurità, schiattò Scamaroni. Si sò lasciate more, isse disgraziate.