U CORSU BELLU BELLU 2.0 hè un metudu d’imparera di u corsu pà i liveddi A1 è A2 di u quatru aurupeu cumunu di rifarenza di i lingui (CECRL). Vali à dì ch’eddu pò ghjuvà da a scola primaria finu à a scola di 5a, ma ch’eddu pò essa dinò un punteddu d’imparera pà tutti i principianti. Si tratta quì d’avvià si versu l’ammaistrà di i cinqui cumpitenzi chersi in u quatru aurupeu di i lingui : a capiscitura urali, a capiscitura scritta, u discorsu in cuntinuvu, a discursata è a scrittura. U manuali hè fattu di quindici unità, d’un indici dialittali è d’un appicciu
pà u lessicu è i verbi.
À cumplittà u manuali veni u dischettu, induv’eddu si pudarani truvà i cuntrastati, a funulugia, i ducumenti sunori di a rubrica « Andemi più in là » è i sturietti di l’attività pà a valutazioni.
