A cullizzione “50 ducumenti” di u Canope di Corsica accosta i prugramma sculari arrimbendu si à u spaziu vicinu, rigiunale è isulanu, da mette lu in pruspettiva è situà lu ind’un cuntestu più largu. S’indirizza à i scolari di u primariu quant’è à quelli di u sicundariu, anzi tuttu à u ciculu 3.

Si capisce tandu ch’ella si sia aparta di modu naturale à e Scenze di a Vita è di a Tarra, nant’à un’isola duv’è a natura, prisente inghjilocu, custituisce un patrimoniu assignalatu. Assistate in giru à sei tematiche (u celi è a tarra, a materia, l’energia, l’unità è a diversità di u vivame, u funziunamentu di u vivame è l’urganisimi vivi in u so ambiente), l’attività pruposte “participeghjanu à a custruzzione d’una prima raprisintazione globale, raziunale è cuerente di u mondu duv’ellu campa u scularu. Ogni tema ghjova da custruisce cuncetti o nazione chì trovanu a so appiicazione in l’educazione à u sviluppu durevule”.

Aperçu