ouvrage
Corse
L'Ammaniti
Littérature / Poésie
Collège,Lycée,Université
U paese, appiccatu à un poghjale di virdura zeppa è di scoglli, si stinzava tramezu à l alivi, e suvare è i castagni in u chjarore dolce è chietu d'una dumenica luminosa di statina listessa à tutte isse dumeniche chi Diu manda à i cristiani. È quellu sole, avale staccatu da u mare, rossu rossu è tondulu cum'è un'ostia di sangue, offria a pace à i campagnoli è i chjamava. Ma pè isse strette è isse piazze, à umbria è à sulia, ùn c'era un filatu. Eranu tutte è tutti inzuccati pè isse stanze.
