U Canopé di Corsica vi prisenta A piccula mela, un scrittu di Marie-Paule Dolovici, traduttu in trè variità (Cismonte, Celavu è Rocca) da ch’eddu fussi adupratu da tutti i Prufissori di i Scoli in cundizioni boni.

A sesta di stu libracciolu hè stata fatta di manera ch’eddu fussi faciuli di prisintà l’imaghjini à u sculari tinendu davanti à l’ochji di a maestra (o di u maestru) u scrittu, una vista chjuca di l’imaghjini prisintata è dui asempii di vucabulariu o di strutturi gramaticali. Uni pochi di parsunaghji sò stati aghjunti da parmetta una sfruttera altra cà quidda di a fola stessa.

Vinarani cusì in bocca à i sculari nomi d’animali, vucabulariu spaziali (davanti, daretu...) è pudarà dinò u zitiddettu amparà à cuntà i parsunaghji è l’ughjetti.
V'aspettani un ghjocu di i famigli di l’animali scuntrati in u racontu, accumpagnatu da a so sfruttera pidagogica ; è dinò un ghjocu d’ascoltu da ricunnoscia i versi di l’animali à parta si da sta leia: l'animali mansi

Marie-Paule Dolivici-Simonetti hè Prufissori di i Scoli dipoi u 1994, aghjunta à a scola materna Calloni di Bastia dipoi più di 12 anni. Scrittora di parechji opari, hà invintatu sta fola una mani di sittembri da i zitidducci ch’edda insegna.