![livre-santandria livre-santandria](/images/phocadownload/vignettes/463/_thumb1/livre-santandria.jpg)
Cù sta fola originale ispirata da u racontu pupulare "A suppa di petra", vi prupunimu di ritruvà u mumentu di Sant’Andria, senza negrufume nè travestiture, ma rispettendu ne u spiritu di spartera è di cunvivienza.Aprite, aprite u nostru libru per Sant’Andria !
Adattu à e scole elementarie sin’à u ciculu 3, stu racontu illustratu à modu spressivu vene arricchitu da un cartulare pedagogicu dispunibule à nant’à Educorsica, quant’è a so versione sunora è astre susprese …
Da ritimà a lettura è specificà certe parolle, affaccanu simbulifigure longu u testu chì sò dopu ripigliati in lu cartulare : assestu di u testu è pruposte pedagogiche volenu dinò facilità l’accostu per l’elevi chì scontranu certe dificultà.
Da leghje, da vede, da sente, da appruvà si, cù i libretti Canopé di Corsica fate pruviste diverse è spartite le !
Livre | Audio | Fiches pédagogiques |
---|