Autunumisimu è naziunalisimu - A Cullitività Tarritoriali di Corsica - L'Univirsità di Corsica
A Cullittività Tarrituriali di Corsica
Hè u 15 di maghju di u 1975 chì a Corsica hè spiccata da a Provence-Alpes-Côte d’Azur. Divintarà dopu a 22ma Righjoni francesa, fatta di dui dipartamenti
I leghji di u 2 di marzu di u 1982 dani à a Corsica un statutu particulari, com’edda era statu privistu ind’i pruposti di François Mitterrand ind’a so campagna alitturali. Sta nova cullittività tarrituriali di a Ripublica hè chjamata « Région de Corse » è hè dutata d’una assimblea. L’Assimblea di Corsica hè cumposta di 61 aletti. Hè a sola in Francia.
Ind’u 1988, u Guvernu novu difinisci un statutu novu, dettu Statutu Joxe (di a casata di u ministru di l’Internu chì ci hà travagliatu). Hè missa in baddu a Cullitività tarrituriali di Corsica (CTC), retta da 3 urganisimi :
- L’Assimblea di Corsica, fatta da 51 aletti, vota u bughjetu è dilibareghja di i quistioni à prò di a Corsica. Cuntrulleghja u Cunsigliu Asicutivu.
- U Cunsigliu Asicutivu : fattu d’un prisidenti cù 6 cunsigli asicutivi aletti à mezu à i membri di l’Assimblea, pripara po asicuteghja i dilibarazioni di l’Assimblea.
- U Cunsigliu Acunomicu, Suciali è Culturali (CESC) cù solu un puteri cunsultativu solu. Hè cumpostu da 51 cunsigli isciuti da l’urganizazioni raprisintativi di a sucità : camari di cummerciu, d’agricultura, d’industria ; urganizazioni sindicali ; membri raprisintativi di a cultura, di u sport, di a difesa di a natura, di i cacciadori, di i cunsumadori, di l’aducazioni, di l’Univirsità, di i ritiratati…
I cunsigli asicutivi sò prisidenti d’un Uffiziu o d’un Agenzia : OEHC (Uffiziu d’Attrazzerau Idrolicu di Corsica), OTC (Uffiziu di i Trasporti di a Corsica), OEC (Uffiziu di l’Ambienti di a Corsica), ODARC (Uffiziu di u Sviluppu Agriculu è Rurali di a Corsica), ATC (Agenzia di u Turisimu di la Corsica), ADEC (Agenzia di u Sviluppu Acunomicu di a Corsica).
DA TENA À MENTI
