A Priistoria hè un tempu longu assai chì principia nantu à a Tarra cù l’apparizioni di l’Omu (4 milioni d’anni nanzu à Cristu) è compii cù l’invinzioni di a scrittura chì indetta u cumenciu di a Storia (2500 anni nanzu à Cristu).
A Priistoria hè stata spartuta in parechji Ità :
- Ità di a petra zuccata (Paliuliticu = petra vechja) quandu l'omi nomadi, si nutriscini cù i prudutti di a caccia, di a pesca è di a cugliera.
- Misuliticu o Priniuliticu quandu l'omu campa sempri à l'usu di u Paliuliticu ma travagliendu arnesi fatti di scaglia di petra.
- Ità di a petra allisciata (Niuliticu = petra nova) quand'eddi nascini l'addevu, l'agricultura, a tarraglia, a tissitura è cusì a sidintarizazioni di i modi di vita. Datata di 8000 nanzu à C. in l'Urienti vicinu, sta rivuluzioni tuccarà a Corsica guasgi versu 6000 nanzu à C.
- L'ità di u ramu, chjamatu dinò Calculiticu, à parta si di 6000 nanzu à C. à l'Urienti (-3500 in Corsica).
- L'ità di u bronzu (mischiu di ramu è di stagnu), versu -2000.
- L'ità di u farru 1000 anni nanzu à Cristu. Semi quì à l'entri di a storia.
DA TENA À MENTI
