Issu libru di creazione puetiche illustratu vene propiu dedicatu à u cullegiu. Adunisce testi chì toccanu tematiche universali ma, più specificamente, u so filu seguitatu è predilettu hè quellu di u periudu di l’adulescenza : prublematiche è sentimi ligati à iss’anni ci sò avvicinati è trattati, usendu forme puetiche classiche o versi sciolti.

A scumessa hè di fà studià non solu u testu, a lingua, a forma, è apre versi u quistiunamentu leterariu, ma dinò l’illustrazione chì l’accumpagna. U puntellu sunoru d’ogni puema v’aspetta à nant’à u nostru situ Educorsica, da permette à ogni elevu di travaglià a dicitura è l’interpretazione, chì una puesia campa da veru s’ella hè detta !

Ritruverete dinò schedule pedagogiche da facilità ne a scuperta è l’adopru, cun infurmazione parechje, esercizii, pruposte d’attelli di scrittura in puesia è attività ligati à i scritti è à isse figure cumpagne cusì belle.

Vi prichemu belle stonde di lettura, ascultera è rimirate, cun issu « Dì è vede in puemi » pensatu à posta per i nostri cullegianti è ispiratu da elli.

Sintimi puetichi,