Trà arianisimu è cristianisimu

Dopu à a trafalata di l’Imperu Rumanu, affaccani in Corsica quiddi chì sò chjamati “barbari”. I Vandali ghjugnini versu u 456, sott’à u regnu di Gensericu. Aleria è Mariana sò sacchighjati è i furisteri accupani a piaghja è i vaddi firtili. I corsi si ni coddani in muntagna, fughjendu u piriculu. I Vandali sò ariani, cumbattini i cristiani è strughjini i so ghjesgi. Starani ind’à noi 80 anni po sarani scacciati da l’armata di l’Impiratori bizantinu Ghjustinianu u 1^ma.

DA TENA À MENTI

I vandali tenini a Corsica incù forza è inghjustizia. I primi cristiani sò martirizati. Hè cio chì accadi à Ghjulia in Capicorsu. Sarà fatta Santa. I bizantini ripigliarani l’isula pò farani un’opera d’urganizazioni intornu à 5 viscuvati.