Da u regnu inglesi à u I^ma Imperu

Fatta a Rivuluzioni francesi, l’Assimblea chjama à u ritornu di Paoli chì sarà numinatu prisidenti di u Cunsigliu ghjinirali. U Babbu di a Patria, ricusendu i leghji francesi di u Tarrori, hè dinunciatu à a Cuvinzioni com’è traditori da unu di i frateddi Bonaparte. Chjama tandu à l’aiutu l’Inglitarra chì invadisci a Corsica.

I Bonaparte sò ricircati è parsiguitati da i Paulisti chì i volini tumbà. Partini in isiliu in Francia.

Ma a pulitica inglesi, favurizendu i ricchi, ùn piaci à Pasquale Paoli. Pozzo di Borgo hè numinatu ministru è u babbu, scantatu da u puteri, riparti in Inglitarra ind’u 1795 è ci mori.

Hè finitu quist’annu u famosu « Plan terrier » ch’eddu avia dumandatu Louis XV.

Hè u ghjovanu Napulioni Bonaparte chì vinarà à lampà fora l’Inglesi è farà di a Corsica una parti riali di a Francia, à colpu di riprissioni contru à i paulisti. Ind’u1801, dumandarà ch’eddu sia rializatu un cadastru pricisu di a Corsica.