Si scopri l'addevu po l'agricultura. Cunsiquenza di st'ivuluzioni, l'omu campa avà in paesi è l'arnesi si mudificheghjani : i pioli di petra allisciata sò numarosi (da smachjà), macini, macineddi è pisteddi pà a biada diventani stuvigli di primura, com'eddu si pò veda in Monte Lazzu. U bisognu d’accantera faci ch’eddi si multiplicheghjani i tarragli, i primi sendu cù u dicoru cardiali.
L'addevu cambiarà cù l'arrivu di u boiu è di u porcu chì venini in più di i pecuri è altri capri. Dighjà à u Niuliticu, u ghjacaru faci parti di l'animali cunnisciuti, è forsi ammansati.
I punti di freccia si mudirnizeghjani cun pidonculi beddi zuccati ciò chì ci insegna chì a caccia era sempri una parti maiò di a vita di l’epica. L’adopru di l’ussidiana và ghjiniralizatu.
Hè mentri stu periodu finali ch'eddu si vedi un finominu suciali novu, l'alzera di i primi stantari.
DA TENA À MENTI
